Ekki þýðir að éta kebab öll kvöld, þrátt fyrir að þetta er með lang besta verð vs. gæði ratio’ið(e. Price-Deliciousness ratio). Allavega, ég eldaði mér kjúkling í ofni í gær, þá erum við ekki að tala um preheated pakkamat heldur bara kjúkling, frosin stykki. Það smakkaðist bara fínt, shit hvað maður er orðinn fullorðinn. Í kvöld var ég líka að spá í hvort ég ætti að elda mér þessar 2 nautalundir, sem ég keypti á tilboði. Gallinn var bara sá að ég á ekki sósu og það er hálf hrátt eitthvað að éta tvær unaðslega vel útlítandi nautalundir án nokkurrar sósu. Ég fann sem betur fer Bjarka á msn, hér eftir bjarkibj02-Bjarka þar sem nokkrir Bjarkar skoða þessa síðu, og setti fram þetta scenario um hvað ég ætti að gera:

Þú ert með 2 nautalundir sem voru á mega tilboði útí búð og ætlar að éta þær í kvöldmat en þig vantar sósu og átt bara skíta hamborgarasósu og tómatsósu, hvað gerirðu?
A) lætur hamborgarasósu og tómatssósu nægja
B) borðar kjötið sósulaust, at least you got ze rauðvín
C) Botherar að hlaupa útí Nettó(bónus)
D) Býrð til sósu úr sveppapakkasósu með mjólk (ekki til rjómi)
E) Kastar kjötstykkjunum í reiðikasti fram af svölum og ferð og færð þér kebab handan við hornið

Það fylgdi ekki spurningunni að ég á sveppasósu-bréf en vantar rjómann, ég á þó mjólk og Bjarki hitti naglann á höfuðið þegar hann sagði mér að það slyppi alveg ef ég eldaði hana aðeins lengur, props fyrir það
Ég grillaði svo ekki lundirnar þar sem ég festist á netinu og setti m.a. upp þessa gjörsamlegatilgangslausufáránlegu formúlu hér að ofan og wiki síðuna fyrir hana. Endaði á því að fara og fá mér kebab á 30kr danskar sem fékk alveg 8/10 fyrir deliciousness(10/10 á kebabskala) og 8/10 fyrir fillness. Ég þarf að mixa þessa formúlu miklu betur því þessi máltíð á að fá alveg helvíti góða einkunn. Ath ég bendi áhugasömum stærðfræðilúðum að skoða wiki síðuna, ég hef tekið þá ákvörðun að gera farþegaþotu úr mýflugu með þetta litla módel, það er voðalega basic eins og er:

Í dag setti ég í tvær þvottavélar, tók til í íbúðinni, ryksugaði, skúraði, setti upp tengingar fyrir sjónvarpstenginguna í gegnum ljósleiðarann og fór með alla kassa og drasl niður í sorpgeymslu. Nú kemur spurning til þeirra sem þekkja mig… Hvað getur mögulega valdið því að ég nennti að standa í þessu í dag? Svar kemur hérna fyrir neðan í ljósgráum stöfum:

Vegna þess að ég átti að vera að læra, nennti því ekki og er með athyglisbrest dauðans. Ofan á það var ég svo ákveðinn í að eyða deginum ekki í nethangs, sem getur verið stórhættulegt og gert góða daga að engu. Seinnipartinn og um kvöldið(s.s. núna) lærði ég þó og nokkuð ágætlega bara.

Lappanum hjá einhverjum gæja var stolið. Þjófsskúrkurinn notaði svo tölvuna til að hlaða inn mynd á vefalbúmið sitt af sjálfum sér. Nema hvað, að hann loggaði sig óvart inn á albúmið hjá eigandanum án þess að taka eftir því (password saved) og hlóð myndunum inn á svæðið hjá honum. Þetta er þjófurinn:

Hægt er að sjá upprunalegu myndasíðuna hér þar sem eigandi tölvunnar bætir inn fyndnum athugasemdum um fíflið Nú stendur svo yfir átak á vefnum um að finna þennan asna, þetta blogg er mitt tribute, þó að það séu nú ekki miklar líkur á að viðkomandi sé Íslendingur

Jæja það er kominn tími á venjulegt blogg sem ekki snýst um sældarlífið í Danmörku. Margir sem mig þekkja hafa klárlega fengið Tool ræðuna frá mér, um hvað þetta er mikil gæða tónlist sem allir ættu að hlusta á og um leið eðal karlmennskurokk

Það lag sem ég hef helst notað máli mínu til stuðnings um gæði tónlistarinnar sem Tool semur hefur verið Lateralus. Lagið kemur af samnefndri plötu sem einnig inniheldur einhverja allra bestu Tool slagarana á borð við Schism, Parabol og Parabola, Reflection, Triad og The Grudge. Meðal þess sem er merkilegt við þetta lag er að atkvæði söngsins eru í Fibonazzy röð sem er gömul þekkt stærðfræðiruna, sem m.a. er hægt að setja fram sem:

Loksins hefur svo einhver nennt að gera myndband við lagið sem útskýrir eitthvað af því sem höfundarnir eru að hugsa:

Ég lagði lokahönd á íbúðina í gær eftir að hafa farið í erfiðisferð í IKEA og ELKO (EL Giganten heitir það hér af einhverjum ástæðum). Ég fór nú aðallega í IKEA til að reyna að finna borð og stóla til að hafa út á svölum en mér til mikillar furðu var þetta ekki til þar. Hins vegar fann ég þetta í ELKO, þar sem ég keypti s.s. stóla og borð út á svalir, örbylgjuofn, sjónvarp, græjur og þvottasnúru. Í IKEA keypti ég svo sófaborð, desertskálar, græjuhillur, ilmkerti(gay), salatáhöld, rúmteppi og dótarí til að flokka minna dótarí undir vaskinum inná baði.
Ég var töluvert lengi að rífa allt uppúr kössunum og setja saman, það sást ekki fyrir endann á öllu sem ég átti eftir að gera, tengja allt rafmagnsdraslið mitt, tölvurnar, græjurnar, xboxinn osfrv. Loksins þegar ég átti bara eftir að festa flatskjáinn uppá vegg fór að komast svipur á íbúðina mína aftur og ég taldi mig geta andað léttar… Ég áttaði mig á því að ég þurfti borvél og 10mm steinbor til að festa upp veggfestinguna fyrir sjónvarpið þannig að ég þaut út í byggingavöruverslun og keypti eitt stykki 600W borvél og 10mm extra harðan steinbor.

Svo byrjaði ég að bora, fyrstu 2 holurnar gengu ágætlega, ég svitnaði eins og göltur, sem er fyndið orðatiltak þar sem svín svitna ekki heldur velta sér upp úr drullu til að kæla sig. Basically þá sá ég mig fyrir mér í þessu myndbandi:

Sjá þarna framarlega í myndbandinu þegar hún setur borinn í vélina og svo byrja þær að bora

Þegar á þriðju holu var komið fór borinn ekki inn nema um 2 cm og ég djöflaðist á vélinni eins og ég gat, setti á hæsta og beitti öllu afli til að reyna að ýta eins og ég gat. Allt kom fyrir ekki, annaðhvort komu vitleysingarnir sem byggðu þetta hús titaniumplötu fyrir í miðjum veggnum eða settu nokkra slurka af BADASS dufti í steypuna. Super-duper-brutal-drillmaster-4000 borinn sem ég keypti var orðinn fjólublár af hita og allt bit farið úr honum, vélargreyjinu var líka orðið svo heitt að ég ákvað að setja borinn og borgripið undir kalda bunu þar sem heyrðist svona sauna-steina hljóð í nokkra stund. Það gefur að kynna að hann hafi verið orðinn talsvert heitur. Eftir góða kælingu fór ég yfir til nágrannanna, hinum meginn við vegginn góða, til að athuga hvort þau væru nokkuð að farast úr pirringi, svo var ekki og ég sagði að rúmlega helmingurinn væri eftir. Ég hélt svo áfram, gafst þó upp á þessari holu og boraði á annan stað. Það gekk töluvert betur, þó með miklu erfiði og eftir um 20 mínútna stöðuga borárás á þennan vegg var ætlunarverkinu lokið, 4 x 10mm breiðar x 80mm djúpar borholur. Aftur varð ég fyrir nokkrum vonbrigðum þegar mér var litið í kringum mig, flest allt nálægt mér var með um 2mm (svo ég haldi nú áfram að tala í millimetrum) þykkt lag af ÖSKU úr veggnum. Ég ryksugaði það sem ég gat ryksugað og þurrkaði vel af flestu, setti flatskjáinn upp, náði mér í carls special og samloku, setti Tool á fóninn í nýju græjunum og kastaði mér uppí sófa. Þvílíkur léttir var þetta.

Hér eru myndir af íbúðinni frá því fyrir viku þar til núna
Hér er svo vídjó sem ég tók áðan og sýnir íbúðina alla

Svo er eitt ótrúlegt að gerast, ég er farinn að vakna alltaf eldhress kl 07:30 án þess að nein vekjaraklukka eða sími hringi. Í morgun vaknaði ég um þetta leiti, fékk mér bláberjahafragraut, þvoði tvo þvotta, hengdi uppá snúru, fékk til mín viðgerðakallinn frá Dansk Bredband sem reddaði netinu fyrir mig, fór í ELKO og keypti þráðlausan router og í Fötex og keypti inn fyrir matinn í kvöld. Ég verð með fyrsta “matarboðið” mitt núna á eftir og verða m.a. hvítlauksmarineraðar kjúklingabringur á boðstólnum með unaðs sveppasósu og auðvitað hvítu víni með.

Ég verð svo örlítið að metast með alheimsnetstenginguna sem ég er með hérna, en hér er hraðamæling til Svíþjóðar:

Allir geta prófað tenginguna sína hérna á speedtest.net

Í gær beið ég spenntur eftir uber-internettengingunni. Ég kom heim úr skólanum og athugaði hvort þetta væri ekki komið, svo reyndist ekki þannig að ég ákvað að hjóla niðrí miðbæ og skoða mig um, læra leiðina og svona. Það tók mig um 10 mínútur að hjóla þangað, sem er mjög gott svo er ég um 30 mínútur í lest+strætó uppí skóla. Þegar ég kom heim klukkutíma síðar, eftir að hafa hjólað um allan miðbæinn tengdi ég tölvuna í nettengið og var spenntur eins og litlu börnin á jólunum… en allt kom fyrir ekki, ekkert bólaði á netinu. Ég hringdi þá í Dansk Bredband og vældi í þeim og þeir sögðu að einhver gæji þyrfti að koma og tengja eina snúru í kjallaranum og gáfu þessu 1 - 2 daga.

Í kjölfarið lagðist ég í internetleysis-þunglyndi, sofnaði kl 19, vaknaði kl 23:30, henti pizzu í ofninn, fékk mér carlsberg special og horfði á matrix til kl 02

Ég vaknaði svo í morgun og fór í tíma í tölvugrafík. Mér til nokkurrar ánægju er kennarinn ennþá í töluvert basic stuffi en á móti kemur að ég hefði getað sofið lengur og sleppt þessum tíma… Ofan á það mundi ég þegar ég gekk inn í tóma kennslustofuna að tíminn átti að byrja kl 9 en ekki kl 8. Til að bæta mér upp svefnleysið og vonbrigðin fór ég og keypti mér snúð og kókómjólk, sem ég maulaði á með mikilli list, maður kemst varla í meiri íslenskan skólafíling en það. Snúðarnir hérna eru eins og þeir íslensku og kókómjólkin bragaðst einnig eins og sú íslenska, nema að hún er í mun praktískari umbúðum, nemlig 1/2 lítra fernum.

Ég er ekki búinn að komast á netið síðan á fimmtudaginn síðasta, það skýrir fráveru mína í netheimum og bloggleysið. Á föstudaginn var flutningadagur, ég vaknaði um morguninn, drullaði öllu dótinu mínu í töskur og pantaði leigubíl. Þar sem ég fattaði ekki að redda öllu kvöldið áður (ahem… öl er böl), þurfti ég að fara tvær ferðir í leigubíl með draslið. Það kostaði reyndar ekkert svo mikið þar sem ég tók strætó til baka eftir fyrstu ferðina. Á leiðinni í strætó gerðist nokkuð sem kom mér alveg úr jafnvægi fyrir daginn. Á einni stöðinni skreið uppí strætóinn, já þið lásuð rétt, skreið, kona nokkur sem minnti helst á misþyrmt hálf-úldið lík og í þessar 30 sek sem tók hana að skríða upp í strætóinn hélt ég að 28 days later myndin væri orðin að veruleika. Strætóbílstjórinn var ekki par sáttur við líkið á gólfinu og reyndi að fá það til að færa sig út en allt kom fyrir ekki. Hann gafst upp í bili og keyrði að næstu stoppustöð. Þar var heill hópur af litlum börnum sem biðu eftir strætó þannig að ljóst var að líkið þurfti út áður en börnin færu inn. Aumingja bílstjórinn taldi þá í sig kjark til að standa upp og reyna að koma þessari konu út. Ég hugsaði andartak hverslags bad-samarithans við værum öll (ég og hinir farþegarnir) þar sem konan þurfti augljóslega hjálp. Málið var bara að ég var ekki tilbúinn að smitast af einhverjum dauðans sjúkdómi eða öðrum viðbjóði fyrir það eitt að friða samviskuna og gera eins og kennt var í sunnudagsskólanum, að elska náungann…. Anyways, á endanum stóð konugreyjið upp þótt ótrúlegt hafi verið og dröslaðist út.

Þegar ég var búinn að haula allt dótið sem ég tók með mér út á nýja staðinn, Svanevej 17 þar sem ég kem til með að búa líklega næstu 2 árin, mættu þeir í Samskipum með allt dótið mitt frá Íslandi á 2 brettum. Mamma og pabbi komu svo hingað út og hjálpuðu mér m.a. að bera sófann upp og plana morgundaginn. Á laugardeginum vöknuðum við snemma, vorum komin í IKEA kl 9 um morguninn og fórum þaðan rétt upp úr kl 17:00. Kassakvittunin var rúmlega 2 metra löng og við þurftum að deila vörufjöldanum í tvennt þar sem kassinn réði aðeins við X margar vörur í einu :). Við fluttum svo allt draslið með sendibíl, við erum að tala um heilt innbú, m.a. rúm, fataskáp, eldhúsborð og stólar, tableware frá A-Ö og aðrar eldhúsvörur, skrifborð, hillur etc.! Þetta var svo miklu meira en við höfðum ímyndað okkur, bæði magnið og sá tími sem tók okkur að koma öllu á staðinn, setja allt saman, raða í allar hillur og skúffur og koma svo öllum pakkningum út í gám. Við vorum 3, ég, mamma og pabbi, fram á kvöld á föstudag, 14 tíma á laugardag og svo um 8 tíma á sunnudag og þegar þetta er skrifað er ég uppí skóla í dæmatíma og pabbi er heima að setja upp hillur. Ég og mamma ætlum svo að klára síðustu kaupin sem eru m.a. þvottapokar, tuskur, sápa, ryksuga, grill, þvottadót, ofl.

Ég verð að viðurkenna að ég er algjört dekurdýr og án M&P hefði þetta tekið mig endalausan tíma og mjög líklega hefði ég bara búið um mig á vindsæng úr rúmfatalagernum og sofið á henni alla önnina. Það besta var að við náðum þessu yfir eina helgi þannig að ég þarf bara að vinna upp eina viku í staðinn fyrir að standa í þessu yfir lengri tíma á meðan náminu stendur. Íbúðin er líka geeeeðveik, svalirnar eru rosalegar og allt sem við keyptum smellpassar í íbúðina. Auðvitað er hún lítil en hún er alveg nógu stór fyrir mig. Mér til mikillar ánægju er ljósleiðari í húsinu þannig að ég fæ 25/25Mb internet tengingu(sama download og upload s.s.) og sjónvarp í gegnum ljósleiðara líka og borga um 500 kr. danskar fyrir það saman.

Ég set svo inn myndir á netið við fyrsta tækifæri, þegar ég fæ netið, sem ætti að gerast í kvöld.

Over&out

…var litli mömmulíusarstrákurinn (eins og sæbó(e. Psybo), sem hefur þvegið þvottinn sinn frá 14 ára aldri, orðaði einhverntímann svo vel) að þvo sinn fyrsta þvott í þvottavél!!. Ég vil þakka þeim sem stóðu við bakið á mér við að ná þessum merka áfanga, að sigrast á karlrembunni og þvottavélafóbíunni í leiðinni.

Þetta gekk bara stórvel, ég fór á svona þvottahús (like in ze moviez), setti hvítan þvott í eina vél, dökkan í aðra og báðar á 40°C þar sem ég nennti ekki að setja í þá þriðju. Það virkaði líka næstum því eins og í sögu:

Note to self samt: Skítugir sokkar > 40°C.

Eftir þetta setti ég sokka, nærbuxur og handklæði í þurrkara á hæsta hita í 15-20 mín. Þegar ég kom heim tók ég eftir því að ég hafði engan stað til að hengja fötin mín upp til þerris en lét það ekki stoppa mig enda tilneyddur. Sá fyrir mér að leigusalinn myndi leka eftirfarandi fyrirsögn í Séð og heyrt: “Eyddi stærstum hluta dagsins í forritun á stærðfræðilíkani til einföldunar og jöfnunar á módelum í þrívíðu rúmi en tókst ekki að finna leið til að hengja upp þvottinn” :).

Hér eru myndir af lausninni:

Í eldhúsinu

P.S. allt prósessið í heild sinni tók um klukkutíma og tíu mínútur

Á föstudaginn fórum við á tónleika með Benna Hemm hemm, sem ég hafði aldrei heyrt um áður. Seabear, sem er hljómsveit sem ég hafði heldur aldrei heyrt um áður, hitaði upp. Tónleikarnir voru í íslenska sendiráðinu þar sem á boðstólnum var ýmislegt frá Íslandi, Grænlandi og Færeyjum. É smakkaði færeyskan bjór og grænlenskan bjór, sá færeyski var svosem ágætur, auðvitað enginn Viking gull… en sá grænlenski er um það bil sá mesti óþverri sem ég hef upp í mig látið, ég lét mig þó hafa það að klára hann. Þegar liðið byrjaði að spila skildi ég af hverju báðar hljómsveitirnar höfðu farið fram hjá mér hingað til, þetta var ekki alveg tónlist að mínu skapi og ekkert sérstaklega góð heldur. Það var örlítill Sigurrósarbragur reyndar yfir þessu, sem er gott, en greinilegt að þetta voru mjög ungar og óreyndar hljómsveitir. Auðvitað ofan á það var þetta bara ekki my cup of tea og ég veit að samkvæmt google lögmálinu mun eitthvað af hljómsveitarmeðlimum lesa þetta einhvern tímann, þannig að ég ætla að nýta tækifærið og biðja þau um að taka þessi ummæli mín ekki of nærri sér Ég skemmti mér þó alveg ágætlega.

Laugardagskvöldið ætlaði ég að smella mér á eitthvað skrall en mér til mikillar furðu var enginn á leiðinni neitt út. Maður er strax farinn að sakna strákanna heima sem eru ALLTAF á skrallinu allar helgar, ég fór eimmitt að hugsa um það að ég hef aldrei verið heima, langað á tjúttið en hætt við að fara vegna þess að enginn var að fara líka. Ég þarf bara að halda áfram að vera duglegur við að læra þessa dönsku svo ég geti farið að mingla eitthvað í þessum Dönum. Mér leiddist reyndar ekkert á laugardaginn, í þessu pínulitla herbergi er ég samt með XBOX 360, Lappa með shitload af bíómyndum, þáttum og þessháttar, tölvuleiki, tónlist og námsefni :). Auk þess er ég með ísskápinn fullan af snakki, öli og djúsí mat.

Ég gómaði svo mús í dag:

Poor fellow, skíthrædd um að ég myndi drepa sig, ég hleypti henni bara út eftir myndatökuna og gaf henni ostsneið í nesti.

Nú getur fólk hlustað á alla tónlistina sem ég er með, því miður eins og er inniheldur stöðin alla tónlist sem ég er með á ipodinum, ég reyni að vera duglegur við að taka út lélegu lögin. Þetta er það blandaður listi af lögum (um 6000 lög) að ég efast ekki um að allir finni amk eitthvað við sitt hæfi.

Hægt er að prófa þetta hérna til hægri.

Nú veit ég af hverju hrossaflugur bera þetta nafn. Einhver frá danmörku hefur séð þessa hlunka hérna sem bera nafnið svo sannarlega með réttu 3x stærri en heima, komið heim og séð íslensku flugurnar sem líta svipað út og kallað þær það sama og þessar dönsku. Framvegis ætla ég að kalla þessar íslensku pony flugur. 2 nýjar köngulær eru líka búnar að koma sér fyrir hérna sem er kannski gott, vonandi tekst annarri þeirra að veiða þetta hross sem flýgur hérna um allt.

Ég er ekki í skólanum á fimmtudögum og föstudögum þannig að ég eyddi deginum í dag í að worka tanið enda um 20°C hiti. Ég hjólaði niður á strönd þar sem ég kom mér fyrir í einhverju grasi með handklæði og ipod. Eftir rúmlega 30 mínútur gafst ég upp. Ég var rekinn af grasinu með skömm af miklum skara af allskonar skordýrum. Þeir sem mig þekkja vita að ég er manna minnst hræddur við svona kvikindi, köngulær, flugur, margfætlur ofl. en þrátt fyrir þetta var ég bugaður og þessi ofvaxna fluga sem líktist helst blendingi af moskítóflugu og engisprettu (STÓR) brotlenti á lærinu á með töluverðu höggi. Ég gaf henni selbit, stóð á fætur, dustaði af mér um 20 maura og eina margfætlu og lét mig hverfa. Anna var búin að lofa mér skoðunarferð um Christíaníu sem ég collectaði enda klukkan rétt um 13 og maður verður að nýta þessa rosalegu veðurblíðu í útiveru. Þetta var fínasta upplifun, alveg spes umhverfi, svo reyndar sáum við HUGES könguló með svona þykka fætur sem var búinn að spinna sér mjög svo metnaðarfullan vef… svona sem maður veiðir fugla í. Eftir þetta fórum við eins og sönnum dönum sæmir á kaffihús þar sem við drukkum bjór og ég hélt áfram að worka tanið, aðeins að reyna að fade’a bóndabrúnkuna.

Birkir og Anna buðu mér og Sellu (enn einn íslendingurinn í DTU) í mat, mér var boðið af vorkunnsemi þar sem ég er búinn að “elda mér” örbylgjuhamborgara í flest mál nema í þau skipti sem ég hef rölt út á kebab staðinn. Frábært að fá góðan heimagerðan mat svona til tilbreytingar Ég mun að sjálfsögðu elda mér sjálfur þegar ég flyt í íbúðina, en á meðan ég er í c.a. 7fm herbergi á gistihúsi þá verður örbylgjumaturinn að duga

Ég er mikið að hugsa um að taka einn kúrs í viðbót og þannig 5 einingum meira en venjan er, Financial Optimization, sem er fjármálastærðfræðikúrs, mostly um portfolio management. Ég er búinn að lesa nokkuð um kúrsinn og eftir að hafa unnið við Basel II í tvö ár í banka kannast ég við heilmikið af efninu og því ætti kúrsinn ekki að vera svo erfiður. Auðvitað er stærðfræðin nokkuð mikil en líkist mikið þeirri sem ég er að læra í öðrum kúrsum.

Spáin fyrir morgundaginn er betri en í dag og dagurinn í dag var eins og best gerist á Íslandi á sumrin. I’ll be working the tan, allavega fyrri hluta dagsins en eftir hádegi er stefnan sett á skólann að læra… þar til Sid-sommerfest byrjar í skólanum og svo tónleikar í miðbænum um kvöldið.