Þar sem vefurinn hefur legið niðri núna í viku hef ég fært hann yfir á vél sem ég er með á leigu í Bretalandinu. Ég breytti líka um útlit, þeminn er svona dass af danmörku og dass af Glitni :). Nú kemur sitt lítið af hverju sem mig hefur langað að blogga um síðustu dagana:
Ég er farinn að hlakka alveg hrikalega til að koma heim yfir jólin og áramótin, Krissi kemur hingað 19. des og við ætlum að mála bæinn rauðan fram á 22. des, en þá fljúgum við heim og beint í jólahlaðborð BOS (Stálbræðrafélagið 
). Ég hef núna verið í 2 vikur að læra eins og vitleysingur og sé seinnipart desember alveg í hyllingum!
Ofan á það er brósi litli hann Garðar nýorðinn 17 ára sem þýðir bara eitt…. nei annars það þýðir alveg þrennt:
- ENGIN LEIGUBÍLARÖÐ FYRIR MIG UM GAMLÁRSKVÖLD
- Ekkert leigubílastand allan tímann sem ég er heima… period
- Ekkert vesen eins og að sækja bílinn daginn eftir
Að vera með driver á gamlárskvöld/nýársmorgun er eins og að vera með einkaflugmann aðra daga ársins. Þess má geta að ég er byrjaður að taka við pant-ég requestum en þau sæti eiga eftir að kosta an arm and a leg. Eftir tvö ár fær svo næsti litli bróðir bílpróf þannig að ég sé ekki fram á að ég sé að fara að ferðast neitt á Íslandi án einkabílstjóra.
Ég fór í ræktina um daginn og þar voru svona arabastelpur að æfa sig í fullum herklæðum, þeas það rétt sást í andlitið á þeim fyrir slæðum og drasli. Stærðarinnar spikfeitur arabagaur fylgdi þeim um hvert fótspor og fór alltaf í einhver tæki rétt hjá þeim til að það sæjist ekki hvað í raun var um að vera; þær voru eins og hundar í bandi greyjin. Það alveg lá við að ég færi úr bolnum massaðurídrasleftirlyftingarnar, greiddi hárið aftur og gæfi mig á tal við eina þeirra, bara til að sjá hvort varðhundurinn þeirra myndi froðufella og pútta cap in my brainhouse eða sprengja pleisið í loft upp.
Bíbí var skýrður TuB’s sem má rekja með eftirfandi hætti: BíBí = BB (á ensku) = 2 B’s = TuB’s. Hann er allur að koma til kallinn, sofnaði meiraðsegja í lófanum á mér áðan, ég er búinn að uppfæra myndaalbúmin nokkuð, bætti m.a. inn vídjói af fuglinum að renna niður lampann, nokkuð fyndið.
Ég auglýsi eftir einstaklingum í eftirfarandi störf:
- Kenna mér principal component-, factor-, og discriminant analysis í multivariate statistics ásamt túlkunum á eigingildum og correlation fylkjum á gögnum.
- Kenna mér að strauja
- Kenna mér að elda hollan mat sem jafnframt er góður, ég kann alveg að elda hafragraut sem er bæði hollur og góður en ég er að tala um eitthvað beyond that
- Kenna mér vera skipulagður og hætta að gera allt á síðustu stundu
- Halda íbúðinni minni hreinni, ath ég bið ekki um kennslu hér, mig vantar mannafla, viðkomandi má eiga dósirnar sem finnast í íbúðinni við þrifin
Fyrir að verða 2 vikum síðan kom Egill í heimsókn. Hann kom með harðfisk og danskíslenskaíslenskadanskaorðabók sem ég bað um að heiman, enda hálfgert must hérna :). Ég skal reyna að hafa þessa sögu stutta… Hann lenti á fimmtudagskvöldi og þegar hingað var komið fengum við okkur öllara eða tvo… eða voru þeir svona þrír fjórir… fimm? Við skelltum okkur svo í bæinn voðalega casually klæddir og bjuggumst ekki við neinu hörkutjútti. Í bænum hittum við randomly Steina sem Egill kannaðist við sem slóst í för með okkur ….long story short… við komum heim uppúr kl 7
Þar sem upprunalega planið hafði verið að djamma almennilega á föstudegi og laugardegi þá þýddi ekkert að hanga í þynnkunni eftir að við vöknuðum uppúr kl 16, drifum okkur á lappir um kl 19 og fórum að hafa okkur til og pína í okkur afréttara. Einir kom svo til okkar og slóst með í för niðrí bæ þar sem við fórum á Jolie, sem er staður sem frænka Einis á ásamt Dóru Takefúsa. Þarna inni var svona stór-sirkusstemmning og ekki alveg andrúmsloftið sem við vorum að leita að þannig að við héldum áfram för okkar niður í miðbæ, út úr Nörrebro. Planið var að reyna að finna einhverja almennilega klúbba sem við og gerðum, Emma og Jazzhouse. Emma er algjörlega my kind of pleis, stór klúbbur með almennilegri tónlist, 2-3 börum, stóru dansgólfi og fullt af sófum og borðum til að sitja við og þeir eru með góðan Móhító :). Við átum svo helling af draslmat og fórum heim uppúr kl 5. Ég hafði keypt þessa fínu stærðarinnar “vindsængurdýnu” sem maður stingur í samband og eftir 2 mín stendur stærðarinnar rúm á gólfinu, það stórt að lökin sem ég á náðu ekki yfir hana. Ég var svo snjall að búa um og gera klárt áður en við fórum út til að þurfa ekki að standa í því um morguninn en Egill sofnaði á sófanum í xbox þannig að það skipti litlu. Ég steinsofnaði nokkuð á undan honum eftir lauk-overdoze, note to self: ekki fá sér danska pylsu með lauk eftir djamm.
Daginn eftir, á laugardeginum vöknuðum við enn á ný sem hressleikinn uppmálaður og elduðum okkur eðal taquitos um kvöldið. Uppúr kl 20 fórum við á Sankt Hans Torv hérna í Nörrebro (skemmtistaðahverfi Nörrebro) þar sem við hittum Mariu, sem er dönsk vinkona Egils frá því þau voru saman í skóla í USA. Hún sýndi okkur nokkra eðal staði til að fara á þarna, sem er mjögott enda verður maður að þekkja þetta þegar fólk kemur í heimsókn og gerir kröfur um alvuru fjör í bænum Við enduðum svo með Eini og félögum og Mariu á Jazzhouse þar sem við vorum fram undir morgun. Note to self: Southern Comfort í Lime = Gott. Ég borðaði 2 kebab og svo 6 ostborgara á McDonalds eftir að við fórum út af staðnum og var ennþá svangur, ég skil þetta ekki alveg, greinilegt að svengdartaugarnar hafi orðið fyrir einhverju hnjaski þessa helgina. Við rúlluðum heim uppúr kl 8 og þurftum að dröslast á lappir til að koma Agli uppá flugvöll, þið getið rétt ímyndað ykkur hversu tussulegir við vorum í lestinni.
Ég held að nýrum og lifur hafi ekki veitt af þessari fínu pásu sem ég hef gefið þeim núna eina helgi amk. Ég hef held ég ekki tekið svona á því 3 daga í röð frá því í Eyjum einhverntímann í versló.
